Sarearen filosofiak konpromezu maila askotarako atea zabaltzen du. Besterik gabe bizi seinalea eman nahi duen euskal artista izan zaitezke (Zapart Zalea), edo sarearen garapena laguntzeko ekarpen aktiboa egin zenezake.
Kideek arte heziketa jaso dute (arte eskola batean), edota sorkuntza prozesu propioa daramate, artearekin konprometiturik.
Elkarteko kideak helduak dira (18 urte baino zaharragoak).
Pertsona juridikoak elkarteko kide izan daitezke. Legezko ordezkariak edo horretarako behar bezala gaitutako beste edozein pertsonak ordezkaturik daude. Ordezkatzen duten pertsona fisikoen kopurua edozein dela ere, pertsona moralak ahots bakarra du.
Elkartearen zerbitzuez baliatu nahi duten eta aktiboki parte hartu nahi duten pertsona fisikoak (Euskal Herrian bizi diren eta bertan lan egiten duten artista-autore profesionalak) edo juridikoak kide aktibo izan daitezke.
Kide Aktiboek elkartearen ekinbidean parte hartzen dute, proposamenak eginez, iritzia emanez etab.
Kide aktiboek Biltzarretan parte hartzen dute, bozka eskubidearekin.
Hautesleak dira eta hautagai izan daitezke.
Elkartearen xedearekin bat datozen eta haren ekintza bultzatu nahi duten pertsona fisiko edo juridikoak dira.
Kide Zaleei elkartearen jardueren berri ematen zaie. Iritzi emale izan daitezke. Elkartearen ekintzan puntualki parte hartzen dute eta kuota bat ordaindu dezakete, inolako obligaziorik gabe.
Ez dira boto-emaileak, baina hautagai izan daitezke, ondorioz kide aktibo bihurtzea onartzen duten neurrian.